alasa sona pi jan Satasi
jan Satasi li pana e sona tawa akesi.
akesi o, mi toki tawa sina. toki li ni : "o tawa". sina kute e ni la sina o tawa. tenpo pi toki mi ni li ken tenpo ale.
akesi li kama sona e ni. akesi li sona wawa e ni la jan Satasi li toki e ni tawa akesi. " o tawa." toki ni la akesi pi noka tu tu li tawa tan ma tawa kon li tawa tan kon tawa ma.
jan Satasi li weka e noka wan tan akesi li toki e ni: o tawa. akesi li tawa kepeken noka tu wan.
jan Satasi li weka sin e noka ante li toki e ni: o tawa. akesi li tawa kepeken noka tu.
jan Satasi li weka sin e noka ante li toki e ni: o tawa. akesi li tawa kepeken noka wan.
jan Satasi li weka e noka napa pini kin li toki e ni: o tawa.
akesi li ken ala tawa.
jan Satasi li kalama wawa li toki e ni:
alasa sona li pini pona a. tenpo ni la mi sona e ni: noka ale akesi li weka la ona li ken ala kute a.