jan lili Silu li pilin pi musi mute tan ilo musi sin a.
suno ni la meli mi li pana e sitelen tawa pi jan lili mi Silu tawa mi. mi lukin e ona la mi pilin pona mute.
jan lili li jo e ilo sin a. sijelo la ona li tomo tawa sewi ( anu ilo waso ). insa ona li kon taso. linja li lon anpa ona.
sitelen tawa la jan lili li jo e linja pi ilo musi li tawa pi pilin pona. linja li lon luka pi jan lili la ilo musi li awen lon kon li tawa pona.linja li weka tan luka la ilo musi li waso tawa sewi a. ni la ona li musi lon insa tomo.
tawa pi ilo musi en tawa pi jan lili li pana e pilin pona tawa mi la mi pana e pilin pona tawa sina ale a.