jan pi lukin ala en suno
jan li tawa lon pimeja. ona li jo e suno lon luka wan, li jo e poki lon luka ante. oko ona li pakala ale la ona li ken ala lukin e ijo. ona la ale li pimeja.
jan ante li lukin e jan ni pi lukin ala lon nasin la ona li toki e ni kepeken musi ike:
jan o , sina la tenpo ale li pimeja. tan seme la sina wile e suno lon pimeja?
jan pi lukin ala li toki e ni kepeken musi pona:
suno li lon anu lon ala la mi ken tawa sama. taso mi jo e suno tan ni: sina anu jan sama sina li tawa lon nasin la ona o lukin e mi. ni ala la ona li pana pakala e sijelo ale tawa sijelo mi li pakala e poki mi a.