jan Sepi li kama la seme a li kama?
mi en jan Sepi li lon tomo sona sama lon tenpo mute. ona li pona tawa mi. tomo ona li lon weka mute tan tomo mi.
tenpo suno pini la jan Sepi li kama lon tomo mi. mi tu li toki mute. insa ni la ona li toki:
mi wile tawa ma poka li ijo mi li kama sin lon tenpo lili. ma li lon poka mute la mi wile ala kepeken tomo tawa mi. o pana e ilo tawa sina tawa mi.
mi pana e ilo open pi ilo tawa mi pi sike tu. tenpo lili la jan Sepi li kama sin. mi tu li toki mute li moku e moku pona. ni ale li pini la ona li tawa tomo ona.
tenpo pimeja li poka la mi wile tawa ma esun la mi pana e luka lon poki pi len mi. taso ilo open li lon ala poki a. mi alasa mute lon ma ante. taso mi ken ala lukin e ilo open. tenpo ni la sona ni li kama lon insa mi: kepeken nanpa pini pi ilo tawa mi li tan jan Sepi a.
ni la mi alasa toki tawa jan Sepi kepeken ilo toki. ilo pi mi tu li kama linluwi la mi toki:
sina jo ala jo e ilo open pi ilo tawa mi?
ona li toki:
lon a , ni li pakala suli tan mi. mi pilin ike a. o awen. mi pana e ona tawa sina.
taso mi toki e ni:
o weka e pilin ike. pona la mi jo e ilo open ante a.