jan Silu li kama sona e kule
mi lon tomo pali. meli mi li lon tomo pi mama ona. suno ni la mi tu li toki kepeken ilo. insa pi tenpo toki la meli li toki:
jan Asilu o, jan lili li lon poka mi. sina wile ala wile lukin e ona? ona la sona sin li lon a.
sona sin a! ona la sona sin li seme? mi wile sona a.
ni la meli li pana e jan lili Silu pi musi pona tawa lukin mi. poka ona la leko mute li lon. leko loje en leko laso en leko pi kule ante mute li lon.
jan Asilu o, jan Silu li sona e kule a. tenpo ni la ona li ken toki e kule pi ijo ale. sina wile lukin la o lukin tawa mi tawa jan Silu
meli li luka e leko loje li toki tawa jan lili e ni:
suwi mi o, ni li kule seme?
jan Silu li toki pi pilin pona e ni:
loje a
mi kute e ni la mi pilin pona mute li toki tawa jan lili e ni:
suwi mi o, sina pona mute a.
nasin ni la ona li toki e kule mute. taso kule laso kasi en kule loje walo la sona ona li wawa ala. tenpo kama lili la ona li kama sona e kule ale a.