leko la o sona
jan li kama lon poka pi jan lawa Ijasu li wile anpa e ona kepeken toki.
jan kama li toki:
telo nasa li ike. taso, ona la telo en kili en namako li lon. telo li pona. kili li pona. namako li pona kin. ni la o toki e ni: tan seme la telo nasa li ike ?
jan lawa Ijasu li toki jasima:
mi pana e ko ma tawa sijelo sina la sina pilin ala pilin pakala?
jan:
pilin ala.
jan Ijasu:
kasi pan la sina pilin ala pilin pakala?
jan:
pilin ala.
jan Ijasu:
telo la sina pilin ala pilin pakala?
jan:
pilin ala.
jan Ijasu:
ni la mi pali e leko kepeken ijo ni ale li pana e ona tawa lawa sina la sina pilin ala pilin pakala?
jan:
pilin a. ken la ni li moli e mi kin.
jan Ijasu:
ni la o sona e ni: telo li taso la ona li pona. kili li taso la ona li pona. namako li taso la ona li pona. telo en kili e namako li kama wan la telo ni li kama lon li nasa ike e insa lawa li len e sona. ijo li ijo. taso ijo tu li kama wan la ale li ante a.