waso pi unpa nasa
pali pi tomo sin li open la mi pali e tomo lili pi mani lili a kepeken palisa kasi kepeken len. poka pi tomo ni la kasi mute li lon. tomo pi mute lili li lon. tomo poka la jan li mama e waso. tenpo pi open suno la waso ale li kama tan tomo ona li alasa e moku. mama mi kin li mama e waso ni.
insa tomo la mi pilin seli mute. ni la mi lon supa pi noka tu wan lon weka tomo li moku e telo seli loje li lukin e ijo poka. mi lukin e waso mije. waso meli kin li lon. waso mije li tawa wawa la mi lukin e ona. ona li tawa seme ? ona li tawa waso meli li lon sewi ona li unpa e ona. unpa li pini lon tenpo lili a. mi pilin e ni: tan seme la unpa ona li pini lon tenpo pi lili ni a. nasa a.
tenpo lili a li pini la waso mije ni li tawa wawa sin a. ona li tawa seme ? ona li tawa waso meli ante a. waso mije ni li unpa e waso ante kin a. mi pilin e ni: ona li lukin e waso meli tu li unpa e ona tu. waso nanpa tu wan li lon ala poka ona. waso nanpa tu wan li lon la ona li unpa e ona kin a.
mi sona e waso ni e nasin unpa ona lon tenpo pini. taso ni li sona sin tawa mi: unpa wan li pini la ona li ken open e unpa sin lon tenpo pi lili mute. ken la unpa ni li nasa ala lon waso mute. taso mi sona ala e nasin unpa pi waso mute.